🌷«МЕНІҢ ЕСІМДЕ ҚАЛҒАН ҰСТАЗ» АЙДАРЫ

🌷«МЕНІҢ ЕСІМДЕ ҚАЛҒАН ҰСТАЗ» АЙДАРЫ
«Жақсы ұстаз білім береді, ал ұлы ұстаз шабыттандырып, өз жолыңды табуға көмектеседі» дейді. Мен үшін сондай жан — Надежда Газизуловна.
Бүгінде Сәрсен Аманжолов атындағы Шығыс Қазақстан университетінің 3-курс студенті ретінде «Математика пәнінің мұғалімі» мамандығында білім алып жүріп, мектептегі алгебра және геометрия сабақтарымызды ерекше жылылықпен еске аламын. Менің мамандық таңдауымa Надежда Газизуловнаның ықпалы зор болды. Ол менің бойымда математикаға деген шынайы сүйіспеншілікті оятты.
Оның ең күрделі тақырыптардың өзін қызықты әрі түсінікті етіп түсіндіре білетіні, оқушыларға әрдайым қолдау көрсетіп, әрқайсысының еңбегін әділ бағалайтыны мені үнемі тәнті ететін.
Мен үшін Надежда Газизуловна — басты бағдар әрі нағыз Ұстаздың қандай болуы керектігінің жарқын үлгісі. Ол — әр оқушыға мұқият қарайтын, дана, әділ, жанашыр және өз ісін шын жүрегімен сүйетін ұстаз.
Сізге еңбегіңіз, сабырыңыз және әрқайсымыздың болашағымызға қосқан баға жетпес үлесіңіз үшін шын жүректен алғысымды білдіргім келеді. Сіз сыйлаған білім мен шабыт менімен өмір бойы бірге болады!
Құрметпен, Диляра Шарыпова, 2024 жылғы мектеп түлегі. https://www.instagram.com/p/Dd3RaWSs3hE/?utm_source=ig_web_copy_link&stkn=MzRlODBiNWFlZA==